| 仲有2 日2011 年就過去了... 呢一年裡面所發生O既巨變, 完全係意料之外... 年頭時, 我仲係一個補習社MISS, 一個幫緊男朋友搞緊補習社O既女仔....可惜因為租約問題, 最多只能做到下年, 而且生意難怪做, 所以我同男朋友決定一邊繼續經營間補習社, 一邊搵工... 由二月開始搵工, 我o既目標係research o既工....係, 冇錯, 係research, 我以前最討厭做o既o野....因為自己不竟已經26歲, 唔可以再試o下呢樣果樣咁o徙時間...既然自己有個M.phil Degree, 倒不如重投science 同埋research o既field....至少會比其他行業容易入行, 又穩定... 搵工過程都唔容易...跌跌碰碰4個月....其中都有沮喪o既時候...仲諗過想放棄香港一切搵外國O既大學讀PhD...果陣我O既諗法竟然係寧願要麵包, 多過愛情... 最後...好彩多得上天眷顧...我有機會從返research 呢個field...獲聘為港大醫學院外科學系的研究助理...主力做肝癌研究...重返沙宜道醫學院, 我承諾自己要好好珍惜機會, 唔可以再好似之前m.phil 果時咁hea... 而同我一齊搵工O既男朋友, 竟然搵o左幾個月, 冇一份工請佢...我開始懷疑佢係咪一個可靠o既男人...一個事業基礎咁薄弱o既人, 帶俾我只有憂慮而且缺乏安全感....但係佢又帶俾我好多快樂喎, 我只能夠用 '食之無味, 棄之可惜' o黎形容佢... 我返o左份新工之後, 每日都好勤力去學去做, 希望彌補之前出o左去做為o野所o徙o左o既時間....仲報讀PhD...希望自己繼續在RESEARCH 呢方面更進一步...更加試過前所未有地, 返九點放十點......同M.Phil 時代o既我形成強烈對比...有事就係咁, 經過放棄, 先覺得重要, 更加珍惜....男朋友繼續留守在命不久已o既補習社....直至九月...佢找到方向, 開始讀返書, 讀一個兩年o既high diploma... 之後o既日子...大家唔再嚮同一個地方工作, 唔會日日見到面....我每日返醫學院...佢每日返學, 放o左學仲要返補習社....雖然唔係日日見, 生活方式都有轉變, 但我地o既感情都冇因此轉淡...佢仲同我講有計劃同我結婚tim... 佢開始算有目標有清查淅方向, 仲有計劃同我結婚...我心都安定o左, 時時憧憬住我o地日後o既美好將來...果時覺得幸福應該離我不遠.... 9 月10月....忙得不可開交, 為的是做報PhD O既research proposal...11月交了, 仲去o左一個畢生難忘o既突尼西亞之旅...去旅行o既代價, 就係以後星期六都唔使返補習社幫手...仲有就係, 因為之前衝得太犀利, 所以之後返o黎太悶太得閒冇咩好做....咁o岩果時, 男朋友讀書果度又勁多o野做, 稍為少o左見面同傾電話...得閒到死o既我開始胡思亂想....成日猜疑佢係咪唔想繼續同我一齊... 雖然如此, 我o地都有好似以前咁出o黎食o下飯...而且唔覺得有轉淡跡象...仲plan o左12月中會一齊去紐西蘭, 出席佢大學畢業典禮.... 竟然就嚮出發前個幾星期, 佢突然嚮電話度同我講分手......佢o既理由係....佢冇哂d 錢, 同我結唔到婚; 佢讀書果度好唔順利...話唔想o徙我時間同青春, 要我唔會想跟住佢..... what the fuck~~!....我又唔係貪佢d $$...冇$$都可以一齊o者, 貧賤夫妻百事哀...$ 可以解決到o既就唔係問題....佢冇解決問題o既能力, 佢太要面...事事都唔想衰嚮我面前...最荒謬o既就係, 冇理由佢老豆都幫唔到佢解決... 或者....呢個理由太假了, 可能只係一個藉口.....佢咁o既藉口真係侮辱我o既智慧... 我o地2年零10個月o既感情, 就咁就結束o左.....太突然...實在始料不及... 我o地兩個本來生活在唔同地方o既人竟然可以走埋一齊...經歷過long distance love.....紐西蘭o既短暫共同生活體驗...一齊經營補習社...還經歷過骨肉分離的痛.... 我o地最快樂o既日子, 就係在紐西蘭, 那些日子, 快樂得像在做夢....long distance love 給我的是另類的戀愛經驗....在經營補習社的日子, 是最親密的時刻....呢一切, 所有都變成歷史... 說真的, 跟他一起, 他給我無限的快樂, 同埋與眾不同o既體驗.... 但佢o既缺點比優點多....朋友說對的...快樂不可當飯吃...就算佢幾好玩, 佢太要面, 太唔踏實, 太冇事業基礎都只會令我覺得佢更加唔可靠, 更加唔可以託付終身.... 佢俾到我快樂, 唔一定俾到我長遠o既幸福. 雖然已經3 個幾星期, 我仍然有失落感、空虛感, 腦海偶然閃出--那些年, 我o地一齊嚮紐西蘭o既快樂畫面... 不竟, 要忘記同埋一齊差唔多3 年o既人, 係需要時間沖淡... 剛剛過了一個失戀後o既聖誕節...4 日假期, 好彩我仲有好姊妹、好朋友、好媽咪陪我吃喝玩樂....我才不至於過lonely christmas.... 在天國o既妹妹說過, ' 冇o左愛情, 仲有親情同友情'...我一直銘記在心..... 現在的我, 正在努力習慣自己找快樂, 習慣單身生活....用唔同o既方法充實自己, 擺脫空虛感同失落感, 忘記過去, 走出失戀的陰霾... 愛情...從來都不能估計、不能預測...每次的失戀經驗, 我只好從中學習....學習怎樣愛下一個他..... 我的2011.....事業同愛情的轉變, 似是冥冥中自有主宰.... 希望2012, 所有事都會變得越來越好.....我承諾....我不會把2011 的傷痛帶到2012..... 因為2012 是我的新開始.... |
